Tirkiyeyî û Kurdistaniyên li Îtalyayê, ji bo tûra duduyan a hilbijartina Serokkomariyê çûn ser sindoqan da ku dengê xwe bidin.

Tûra yekemîn li Îtalyayê, namzedê serokkomariyê Kemal Kiliçdaroglû ji sedî 73,85’ê dengan girt û bû yekemîn, Recep Tayyîp Erdogan jî ji sedî 23,95’ê dengan girt. 

Koordînasyona Hilbijartinê ya Partiya Çepên Kesk a Îtalyayê, ji xwe re kiriye armanc ku Kiliçdaroglû tûra duduyan a hilbijartinê ji sedî 80’yê dengan bigire. Koordînasyon, bi otobês, mînîbês û teksiyan xelkê ji Torîno, Bologna, Veneto û Floransayê dibe Roma û Mîlanoyê.